Astanada TMD prokýratýra organdaryn odan ary úılestirý sheshimderi qabyldanady

ASTANA. QazAqparat - Búgin Astanada TMD Úılestirý keńesiniń tóraǵasy, RF bas prokýrory ıÝrıı Chaıkanyń tóraǵalyǵymen TMD-ǵa múshe memleketter Bas prokýrorlary Úılestirý keńesiniń 25-shi otyrysy ótedi.

Bul týraly búgin elordadaǵy Táýelsizdik saraıynda ótken ShYU-yna múshe memleketter bas prokýrorlarynyń 13-shi otyrysynyń qorytyndysyna arnalǵan brıfıngte QR Bas prokýrory Ashat Daýylbaev málim etti.

«Búgin saǵat 15-00-de TMD Úılestirý keńesiniń tóraǵasy, RF bas prokýrory ıÝrıı Chaıkanyń tóraǵalyǵymen TMD-ǵa múshe memleketter Bas prokýrorlary Úılestirý keńesiniń 25-shi otyrysy ótedi. Atalǵan jıyn barysynda TMD prokýratýra organdarynyń qyzmetin úılestirýdiń ózekti máseleleri, ulttyq prokýratýralar qyzmetindegi aldyńǵy qatarly tájirıbeler talqylanyp, TMD prokýratýra organdaryn odan ary úılestirý sheshimderi qabyldanady»,- dedi ol.

QR Bas prokýrorynyń atap ótýinshe, bul otyrysqa ShYU músheleri men baıqaýshylary alǵash ret shaqyrylǵan. Olar óz taraptarynan eskertýler men usynystar jasaı alady.

«Sonymen qatar kezdesý Dostastyq pen Shanhaı uıymy bas prokýrorlary arasyndaǵy qarym-qatynasty odan ary nyǵaıtýǵa, bizdiń elderimizdegi zańdylyq pen quqyqtyq tártiptiń nyǵaıýyna járdemdesetin bolady», - dedi A.Daýylbaev.