Astanada TMD memleketteriniń qorǵanys salasy ókilderiniń májilisi ótýde
ASTANA.QazAqparat - Astanada TMD-ǵa múshe memleketterdiń Qorǵanys vedomstvolarynyń topografııalyq qyzmetterdi úılestirýshi komıtetiniń otyrysy ótýde, dep habarlaıdy QazAqparat tilshisi.
Májilis qatysýshylary TMD elderiniń Qarýly kúshteri arasyndaǵy topografııalyq qyzmetterdegi ózara yntymaqtastyqty damytý máselelerin talqylaýda.
Sonymen qatar, áskerı maqsattaǵy biryńǵaı geoaqparattyq júıeni damytý tujyrymdamasy josparynyń júzege asyrylý barysy men TMD elderi qorǵanys vedomstvolarynyń 2019 jylǵa arnalǵan topografııalyq qyzmetterdiń ortaq is-sharalaryn belgileý máseleleri qaralýda.
«Búgingi otyrysta topografııalyq qyzmetterdiń beıbit jáne soǵys ýaqytynda áskerlerdi topografııalyq turǵydan qamtamasyz etý, áskerlerdiń topografııalyq daıyndyǵyn uıymdastyrý, topogeodezııalyq tehnıkanyń jańa úlgilerin daıarlaý, jasaý jáne ózara tájirıbe almasý» kelisimderi júrgizilýde»,- dedi QR Qarýly Kúshteriniń Bas Shtab bastyǵynyń orynbasary vıtse-admıral Jandarbek Januzaqov.
Odan bólek, qatysýshylardyń shara aıasynda Ulttyq ǵarysh ortalyǵyna sapary josparlanǵan.
