Astanada TMD Qorǵanys mınıstrleri 2020 jylǵa deıingi áskerı yntymaqtastyq máselelerin talqylaıdy

ASTANA. QazAqparat -Búgin Astanada TMD Qorǵanys mınıstrleri keńesiniń otyrysy bastaldy. Onda Qorǵanys mınıstrleri Keńesiniń músheleri TMD qatysýshy-memleketteriniń 2020 jylǵa deıingi áskerı yntymaqtastyǵyn damytýdyń tujyrymdama qadamdary talqylanbaq.

Kún tártibine sáıkes, otyrysqa qatysýshylar Dostastyq memleketteri qorǵanys vedomstvolarynyń kópjaqty áriptestiginiń túrli baǵytyndaǵy 20-ǵa tarta máselelerdi qarastyrady. Sonymen qatar, mınıstrler TMD elderiniń gýmanıtarlyq mindetterdi atqarý, ushýdaǵy qaýipsizdikti qamtamasyz etý, radıatsııalyq, hımııalyq jáne bıologııalyq jaǵdaılardy baqylaý jáne baǵalaý, áýe qorǵanysy salasyndaǵy basym zertteýler, ǵarysh apparattaryn birlese paıdalaný sekildi salalardaǵy qarýly kúshterdiń ınjenerlik bólimsheleri áskerı qyzmetshileriniń mártebesine qatysty máselelerdi qaraıdy. Sonymen qatar, otyrys barysynda áskerı bilim men sport salasyndaǵy yntymaqtastyqty damytý, áskerı qyzmetshilerdiń áleýmettik jáne quqyqtyq kepildikterin arttyrý máselelerin de birlese talqylaýdy josparlap otyr. Shara aıasynda Qazaqstan Qorǵanys mınıstri Serik Ahmetovtiń reseılik áriptesi S. Shoıgýmen ekijaqty kezdesýi kózdelip, onyń aıasynda áskerı yntymaqtastyq máselelerin talqylaý josparlanady.