Astanada TMD kitaphanashylary bas qosady
ASTANA. 24 qyrkúıek. QazAqparat - «Astana - Dostastyqtyń mádenı astanasy» jyly aıasynda 26-27 qyrkúıek aralyǵynda Qazaqstan Respýblıkasynyń Mádenıet jáne aqparat mınıstrligi Astana qalasynda
«Dostastyq kitaphanalary: ıntegratsııa, ınnovatsııa jáne jalpyǵa ortaq qoljetimdilik» atty TMD elderi kitaphanashylarynyń forýmyn ótkizedi, dep habarlady QR Mádenıet jáne aqparat mınıstrliginiń baspasóz qyzmeti.
Forýmnyń maqsaty - dostastyq elderi arasynda mádenı jáne kitaphanaaralyq baılanystardy nyǵaıtý, Astana qalasyn 2012 jylǵy Dostastyq elder kitaphanalary astanasy retinde nasıhattaý.
Forýmnyń kún tártibinde Dostastyq elderinde kitaphana isi boıynsha memlekettik saıasatty júzege asyrý, mádenı, etnıkalyq, tildik jáne kópkonfesııalyq jaǵdaıdaǵy kitaphanalardyń qyzmet kórsetýi, sandyq tehnologııalardy paıdalaný negizinde mádenı muraǵa qol jetkizýdi qamtamasyz etýdegi kitaphanalardyń ózara yqpaldastyǵynyń tetigin anyqtaý, kitaphanashylardyń kásibı deńgeıin jetildirýdi kitaphanalardyń zamanaýı talapqa saı oıdaǵydaı damý faktory retinde qarastyrý sııaqty ózekti máseleler talqylanady.
Forým sheńberinde «Qazaqstan Respýblıkasynyń ındýstrıaldy-ınnovatsııalyq damý talaptaryna saı kitaphana qorlaryn qalyptastyrý» atty semınar ótkiziledi.
Forýmǵa TMD elderiniń Ulttyq kitaphanalarynyń dırektorlary, Qazaqstan kitaphanalarynyń basshylary men jetekshi mamandary, sonymen qatar Dostastyq elderiniń Mádenıet mınıstrlikteriniń, halyqaralyq uıymdardyń (ıÝNESKO, MGYQ, TÚRKІSOI, IFLA, Eýrazııalyq Kitaphanalyq Assotsıatsııasy jáne t.b.) ókilderi shaqyryldy.
