Astanada TMD elderiniń epıleptologtarynyń ІІІ halyqaralyq forýmy ótýde
ASTANA. 12 qazan. QazAqparat - 12-13 qazanda Astanda TMD elderiniń epıleptologtarynyń ІІІ halyqaralyq forýmy ótedi.
Bul týraly QR Densaýlyq saqtaý mınıstrliginiń baspasóz qyzmeti habarlap otyr.
Mundaı is-shara epılepsııamen kúreste eleýli tabystarǵa qol jetkizgen elderde ótedi.
Kongreske TMD jáne Eýropanyń 12 elinen 300-den astam delegat, professorlar, jetekshi ǵalymdar jáne dárigerler qatysady. Іs-shara barysynda talma aýrýlaryn dıagnostıkalaý men emdeýdiń túrli ádisteri, azamattarǵa qoljetimdi, jan-jaqty, bilikti kómek kórsetý problemalary talqyǵa salynatyn bolady. Sonymen qatar, Qazaqstan men TMD elderiniń epıleptologııalyq qyzmetiniń jetistikteri men keleshegi aıtylyp, jetekshi ǵalymdar ǵylymı jetistikterimen bólisedi.
