Astanada TMD elderindegi eń úzdik kitaptar tańdap alynady
ASTANA. 23 mamyr. QazAqparat - 2012 jyldyń 24-25 mamyrynda Astana qalasyndaǵy Qazaqstan Respýblıkasynyń Ulttyq akademııalyq kitaphanasynda TMD-ǵa múshe-elderdiń ІH «Kitap óneri» Halyqaralyq baıqaýynyń qazylar alqasy bas qosady.
Іs-sharany QR Mádenıet jáne aqparat mınıstrligi uıymdastyrýda.
Halyqaralyq qazylar alqasynyń otyrysyna Ázerbaıjan, Armenııa, Ýkraına, Qyrǵyzstan, Moldova, Reseı, Tájikstan, Ózbekstan jáne Belarýs elderiniń ókilderi qatysty.
Baıqaýda kelesideı atalymdar boıynsha úzdik kitaptar tańdap alynady: «Dostastyq», «Meniń elim», «Balalar men jasóspirimderge arnalǵan kitaptar», «Mádenıet. Ǵylym. Bilim», «Art-kitap», «Dostastyqta basyp shyǵarylǵan» jáne «Kitap óneri» Halyqaralyq baıqaýynyń bas júldesi.
Baıqaý jeńimpazdaryn marapattaý rásimi qyrkúıek aıynda Máskeý halyqaralyq kitap kórme-jármeńkesi aıasynda ótedi.
«Jeńimpaz» kitaptar Máskeý halyqaralyq kitap kórme-jármeńkesinde kórsetilgennen keıin, Táýelsiz memleketter dostastyǵy men onyń organdarynyń qyzmetin nasıhattaý jáne Dostastyq tarıhı murajaıyn tolyqtyrý maqsatynda TMD Atqarý komıtetine beriledi.
