Astanada TMD elderi tótenshe vedomstvolarynyń ókilderi ózara yntymaqtastyq týraly sheshim qabyldaıdy
ASTANA. QazAqparat - Astanada 7 qyrkúıekte TMD-nyń Tabıǵı jáne tehnogendik sıpattaǵy tótenshe jaǵdaılar jónindegi memleketaralyq keńestiń (TMD TJ jónindegi MAK) XXVIII otyrysy ótedi. Bul týraly QR ІІM TJK baspasóz qyzmeti habarlady.
TMD kúshteri Korpýsynyń jedel-taktıkalyq oqý-jattyǵýlaryn ótkizý;tótenshe jaǵdaılardyń aldyn alý jáne olardy joıý salasynda kadrlardy daıarlaý jáne oqytý; daǵdarys jaǵdaılarynda basqarý ortalyqtary arasynda aqparattyq ózara is-qımyl jáne aqparat almasýdy uıymdastyrý máseleler boıynsha yntymaqtastyq týraly sheshimdi talqylap, qabyldaý josparlanýda.
Otyrysqa TMD Atqarý komıteti tóraǵasynyń orynbasary - Atqarýshy hatshysy, Ázerbaıjan Respýblıkasynan, Armenııa Respýblıkasynan, Belarýs Respýblıkasynan, Qazaqstan Respýblıkasynan, Qyrǵyz Respýblıkasynan, Reseı Federatsııasynan, Tájikstan Respýblıkasynan, Ózbekstan Respýblıkasynan TMD TJ jónindegi MAK músheleri qatysady.
