Astanada TMD elderi tarıhshylarynyń halyqaralyq forýmy ótýde
ASTANA. Mamyrdyń 27-si. QazAqparat /Jasulan Amanbaıuly/ - Astanada TMD elderi tarıhshylarynyń halyqaralyq forýmy aıasyndaǵy alǵashqy sharalar bastalyp ketti,
dep habarlaıdy QazAqparat.
Elordada «Tarıhtan taǵylym - ótkenge taǵzym» degen atpen bastalǵan úsh kúndik halyqaralyq joba TMD jáne AQSh, Frantsııa, Germanııa elderiniń 300-den astam tarıhshy ǵalymdardyń basyn qosyp otyr. Mamyrdyń 31-i - elimizde Saıası qýǵyn-súrgin qurbandaryn eske alý kúni bolǵandyqtan, shara osy zulmatqa jáne halyqtardy jer aýdarý qurbandaryn eske alýǵa arnalǵan.
Búgin, mamyrdyń 27-de delegatsııa músheleriniń qatysýymen atalmysh forýmnyń jospary negizinde Memleket tarıhy ınstıtýtynda «Postkeńestik keńistiktegi tarıh ǵylymy: ózara is-qımyl ahýaly jáne bolashaǵy» atty dóńgelek ústel otyrysy ótti.
Jobanyń bastamashylarynyń biri, Reseıdiń MMÝ-i keńestik dáýirden keıingi keńistikti zertteý jónindegi aqparattyq-saraptamalyq ortalyǵynyń bas dırektory Alekseı Vlasovtyń aıtýynsha, Astanadaǵy úsh kúndik halyqaralyq shara ǵylymı qaýymdastyqty postkeńestik memleketterdiń ótkenin zertteý baǵytyndaǵy is-qımylyn biriktirýge, mádenıetaralyq suhbat pen dıalogty nyǵaıtýǵa septigin tıgizedi.
Dóńgelek ústelden keıin delegattar «Atameken «Qazaqstan kartasy» etno-memorıaldyq keshenine saıası qýǵyn-súrgin kórgen býynnyń urpaqtarymen kezdesýge attandy.
Erteń, mamyrdyń 28-i kúni jobanyń jalpy otyrysynda «Tarıhtan - qazirgi zamanǵa» atty konferentsııada Reseı, Ózbekstan, Túrkııa, Germanııa, AQSh, Frantsııa, Ýkraına elderiniń professorlary, otandyq ǵalymdar baıandama jasaıdy. Jıyn talqylaýlary 5 sektsııa boıynsha júrgizilip, sonymen birge jas ǵalymdarǵa semınar-trenıngter uıymdastyrylady. Konferentsııa barysynda «1930-1950 jyldary halyqtardyń Qazaqstanǵa jer aýdarylýy: tarıh ortaqtyǵy» taqyrybynda halyqaralyq áleýmettik jobasynyń, sondaı-aq «Bolashaq» Qaraǵandy ýnıversıtetiniń ǵalymdary daıyndaǵan «KarLAG» ǵylymı jobasynyń tusaýy kesilmek.
Shara aıasynda qonaqtar «ALJIR» etno-memorıaldyq keshenin aralap, dóńgelek ústelge qatysady. Olar Eske alý qabyrǵasynda saıası qýǵyn-súrgin qurbandarynyń atyn qurmetteýge arnalǵan mıtıngte, gúl shoqtaryn qoıý rásiminde bolady.
