Astanada TMD dostastyq armııalarynyń ІH Spartakıadasy márege jetti
ASTANA. 10 shilde. QazAqparat - Búgin Astanada Táýelsiz Memleketter Dostastyǵyna múshe memleketter dostastyq armııalarynyń ІH Spartakıadasynyń saltanatty jabylý rásimi ótti.
Saıys barysynda Táýelsiz Memleketter Dostastyǵyna qatysýshy-memleketterdiń Qorǵanys mınıstrleri Keńesi janyndaǵy Sport komıtetiniń otyrysy boldy.
QR Qorǵanys mınıstrligi baspasóz qyzmetiniń málimetinshe, bul otyrystyń qorytyndysy boıynsha uıym tóraǵasy bolyp Qazaqstan Respýblıkasy Qorǵanys mınıstrliginiń Sport komıteti - Armııa Ortalyq sport klýbynyń tóraǵasy polkovnık Erlan Talasbaev saılandy.
Spartakıada qorytyńdysy boıynsha jalpykomandalyq birinshi oryndy Reseı Federatsııasynyń komandasy ıelendi. Jýldele ekinshi jáne úshinshe oryndarǵa Qazaqstan jáne Ýkraına komandalary taban tiredi. Odan keıingi oryndarǵa Armenııa, Tájikstan, Ázirbaıjan, Qyrǵyzstan, Belarýs komandalary ornalasty. Esesine medaldar sany boıynsha Qazaqstan komandasy aldyna jan salmady, sportshylar 43 medaldy ıelendi.
Bıylǵy spartakıada - toǵyzynshy ret óz jalaýyn kóterdi. Birinshi spartakıada 2000 jyly sáýir aıynda Sankt-Peterbor qalasynda ótti. Atalmysh spartakıada TMD qatysýshy-memleketter Qorǵanys mınıstrleri keńesiniń janyndaǵy Sport komıtetiniń tóraǵasyn saılaǵannan keıin, Uly Otan soǵysyndaǵy Jeńistiń 55-jyldyǵynyń qurmetine oraı ótken bolatyn. Spartakıada elimizde 2003 jyly Almaty qalasynda ótken edi.
Bıyl, TMD dostastyq armııalar Spartakıadasy elordamyz - Astanada tuńǵysh ret ótkizildi. Shara Qazaqstan Respýblıkasy Qarýly Kúshteriniń 20-jyldyq mereıtoıyna arnaldy.
Onyń baǵdarlamasyna sporttyń segiz túrinen saıystar kirdi: armııalyq qoıan-qoltyq urys, erkin kúres, dzıýdo, voleıbol, kir kóterý sporty, júzý, sporttyq baǵdarlaý jáne de trıatlon. Saıystar Astana jáne Şýchınsk qalalarynyń túrli sport keshenderi men oqý-jattyǵý ortalyqtarynda ótti.
