Astanada TMD-daǵy tuńǵysh paralımpıadalyq jattyǵý ortalyǵy ashylady
ASTANA. QazAqparat - Astanada paralımpıadalyq jattyǵý ortalyǵy iske qosylady. Bul jaıly «Rýhanı jańǵyrý» baǵdarlamasyn júzege asyrý týraly OKQ-da ótken baspasóz máslıhatynda Astana qalasynyń ákimi Áset Isekeshev málim etti, dep habarlaıdy QazAqparat tilshisi.
«Týǵan jer» arnaıy baǵdarlamasyn júzege asyrý aıasynda endi bir aıdan keıin TMD-daǵy halyqaralyq deńgeıdegi jattyǵý ortalyǵy iske qosylady. Oǵan metsenattar 1,7 mıllıard teńge aqsha saldy. Bul - múmkindigi shekteýli azamattardyń sportpen aınalysatyn tuńǵysh iri ortalyǵy bolmaq», - deıdi shahar basshysy.
Ákim óz sózinde buqaralyq sport túrlerin nasıhattaý ákimdik jumysynyń basty basymdyqtarynyń biri ekenin atap ótti.
«Arnaıy baǵdarlama ázirlendi. Qazirgi tańda Astanada 288 myń adam júıeli túrde sportpen aınalysady. Bizdiń maqsat - osy sandy kóbeıtý. Qalanyń barlyq aýdandarynda, turǵyn úı alabynda, qala shetinde sporttyq nysandardy salý turǵysynda úlken baǵdarlamamyz bar. Sonymen qatar, otbasylyq sport úshin ártúrli chempıonattar men týrnırlerdi ótkizý boıynsha baǵdarlamalarymyz jeterlik», - dep túıdi qala ákimi.
Basty foto: littleone.com
