Astanada Tilendıev dańǵylynyń bir bóligi 10 kúnge jabyldy
Astanada 1-10 qyrkúıek aralyǵynda N. Tilendıev dańǵylynyń Kóktal kóshesinen Máskeý kóshesine deıingi aralyǵynda jol tóseminiń joǵarǵy qabatyn salý jumysy júrgiziledi.
Bul týraly qala ákimdiginiń resmı saıty habarlady.
Osyǵan baılanysty atalǵan ýchaskede kólik qozǵalysy jartylaı jabylady. Bul rette qozǵalys eki baǵytta joldyń bir jaǵymen uıymdastyrylady.
— Júrgizýshiler men jaıaý júrginshiler júrý baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady, — delingen ákimdiktiń baspasóz qyzmeti taratqan habarlamada.
Eske salaıyq, buǵan deıin Astanada Tóle bı kóshesiniń bir bóligi jóndeý jumysyna baılanysty jabylǵanyn jazǵan edik.
