Astanada Tilendıev dańǵylynda jóndeý jumysy júrip jatyr
ASTANA. KAZINFORM — Astanada Tilendıev dańǵyly boıynsha «Tilendıev dańǵyly men Beısekova kóshesiniń qıylysyndaǵy kólik aıryǵyn salý» jobasy aıasynda jol jumysy júrip jatyr, dep habarlaıdy elorda ákimdiginiń resmı saıty.
Osy jyldyń 15 qyrkúıegine deıin joǵaryda atalǵan ýchaskede kólik qozǵalysy ishinara shekteledi.
Bul rette kólik qozǵalysy joldyń bir jaǵymen eki baǵytta uıymdastyrylǵan.
— Júrgizýshiler men jaıaý júrginshiler júrý baǵytyn aldyn ala josparlap, yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqtardy barynsha azaıtý maqsatynda ýaqytsha jol belgileri men kórsetkishter ornatyldy, — delingen habarlamada.
Buǵan deıin Astanada Tóle bı kóshesiniń bir bóligi jóndeý jumysyna baılanysty jabylǵanyn jazǵanbyz.
