Astanada Tilendıev dańǵyly jartylaı jabylady
ASTANA. KAZINFORM - Astanada Nurǵısa Tilendıev dańǵylynyń Barshyn kóshesinen kólik jolaıryǵyna deıingi aralyǵyndaǵy jol tósemine jóndeý júrgiziledi.
Osyǵan baılanysty 22-26 shilde aralyǵynda atalǵan kólik qozǵalysy ishinara shekteledi. Bul týraly qala ákimdiginiń resmı saıty habarlady.
— Qalaǵa kirý burynǵy tártippen júzege asyrylady. Al qaladan shyǵý ýaqytsha jol qozǵalysy syzbasyna sáıkes uıymdastyrylady, — delingen habarlamada.
Ákimdik júrgizýshilerge júrý baǵytyn aldyn ala josparlap, ýaqytsha jol belgileriniń talaptaryn saqtaýdy eskertti.
Eske salaıyq, buǵan deıin Astanada Uly Dala dańǵyly men Tóle bı kóshesiniń qıylysyndaǵy qozǵalys ýaqytsha jabylatynyn habarlaǵan edik.
