Astanada TKSh jáne qurylys salasyndaǵy jyl saıynǵy kórme ótedi
ASTANA. QazAqparat - 2018 jyldyń 15-16 qarashasynda Astanada turǵyn úı-kommýnaldyq sharýashylyǵy jáne Qazaqstannyń qurylys ındýstrııasyn damytýǵa arnalǵan «TKSh-Qurylys-EKSPO. SmartSity-2018» XI Halyqaralyq kórme-forýmy ótedi. Bul týraly QR IDM baspasóz qyzmeti habarlaıdy.
Іs-shara QR Investıtsııalar jáne damý mınıstrliginiń, QR IDM Qurylys jáne turǵyn úı-kommýnaldyq sharýashylyq isteri komıtetiniń, Astana qalasy ákimdiginiń jáne «TKSh QazOrtalyǵy» AQ resmı qoldaýymen «Fair Expo» jáne «Ekspo-Servıs» kórme kompanııalary ótkizedi.
Kórme alańynda TKSh jáne qurylys kesheni úshin jańa tehnıkalyq jáne tehnologııalyq ónimder usynatyn jetekshi kásiporyndar kezdesedi. Bıyl qatysýshylar birinshi ret turǵyn úı-kommýnaldyq sharýashylyǵyn tsıfrlandyrý jáne Smart City kontseptsııasyn («aqyldy qala») iske asyrý sheshimderin usynady. Sondaı-aq, energııa tıimdiligi men energııany únemdeý, jylý, sý jáne gazben jabdyqtaý, lıft sharýashylyǵy, qurylys tehnologııasy jáne materıaldar, jaryqtandyrý tehnıkasy, elektr jabdyqtary, «jasyl» tehnologııalar kórsetiledi.
Eksponentter - qazaqstandyq kásiporyndar men uıymdar, olardyń kópshiligi otandyq óndirýshilerdiń tizilimine engizilgen. Kórmege Reseı, Belarýs, Ýkraına, Germanııa, Túrkııa, Lıtva, Polsha jáne Qytaı kompanııalary qatysady.
Іs-shara aıasynda Birikken Ulttar Uıymynyń Damý Baǵdarlamasy (BUUDB) uıymdastyrǵan «Turaqty qalalar- Smart Cities» atty halyqaralyq konferentsııa ótedi. Konferentsııanyń basty taqyryby - qala sharýashylyǵyndaǵy «jasyl» jáne smart-tehnologııalardyń qoljetimdiligi. Іs-sharaǵa PIK qaýymdastyǵy, energetıkalyq aýdıtorlyq kompanııalar, turǵyn úı ınspektsııasy, kommýnaldyq kásiporyndardyń ókilderi, sondaı-aq páterler men úı-jaılardyń ıeleri, basqarý jáne servıstik kompanııalar, ulttyq jáne halyqaralyq sarapshylar qatysady.
Kórme-forýmnyń resmı ashylýy 15 qarasha kúni saǵat 10:00-de «KÓRME» kórme ortalyǵynda ótedi.
