Astanada TKSh salasyndaǵy derekterdiń ashyqtyǵy máseleleri talqylandy

ASTANA. QazAqparat - Astanada ashyq derekter boıynsha kezekti dóńgelek ústel ótti. Bul joly is-shara uıymdastyrýshysy «Ulttyq aqparattyq tehnologııalar» AQ oǵan elordanyń turǵyn úı-kommýnaldyq salasynyń ókilderin: Astana q. kommýnaldyq sharýashylyǵy basqarmasy, turǵyn úı ınspektsııasy basqarmasy, Astanaenergoservıs, Astana-AEK, Gazcentr, Astana sý arnasy, Astana-Teplotranzıt, Astana-Tazalyq jáne t.b. shaqyrdy.

Іs-sharanyń maqsaty - bolashaqta jarııalanýǵa mindetti ashyq derekter tizimine kiretin turǵyn úı-kommýnaldyq sharýashylyq uıymdaryndaǵy derekterdi talqylaý boldy, dep habarlaıdy «Ulttyq aqparattyq tehnologııalar» AQ baspasóz qyzmetinen.

Dóńgelek ústel qatysýshylary ashyq derekterdiń negizgi ıdeıasymen tanysqannan keıin olardyń mekemeleriniń qandaı derekteri halyq arasynda úlken suranysqa ıe ekendigi jaıynda habarlady. Kommýnaldyq sala qyzmetkerleriniń aıtýynsha, turǵyndar kóbinese qala qurylysy, elordanyń shalǵaı aýdandaryn jylý jáne sýmen jabdyqtaýǵa qosý, jeke turǵyn úı qurylysyna berilgen ýchaskelerdi elektrlendirý men gazdandyrý josparlaryna qyzyǵýshylyq tanytady. Sonymen qatar kezdesýde jylý, elektr jáne sýmen qamsyzdandyrý eseptegishterindegi derekterdi jınap, biryńǵaı júıege biriktirý máselesi talqyǵa salyndy. Mobıldik qosymshalardy qurastyrý jónindegi kompanııa ókiliniń aıtýynsha, eger osy derekter qurastyrýshylar úshin yńǵaıly, ıaǵnı, mashınamen oqylatyn formatta ashyq qoljetimdilikte jarııalansa, olardyń negizinde óte paıdaly servısterdi jasaýǵa bolady. Mysaly, mobıldik qosymsha aıdyń sońynda barlyq eseptegishterden kórsetkishterdi jınap, páter ıelenýshisine olar úshin tóleý qajettiligi týraly eskertetin bolady. «Gazcentr» JShS ókiliniń oıynsha, jylýǵa qosylmaǵan aýdanda jeke baspana qurylysyn josparlap jatqan azamattar gazdandyrý týraly aqparatqa ıe bola tura, otynnyń qaı túrin tańdaý kerektigi jaıynda durys sheshim qabyldaı alady. Budan basqa, dóńgelek ústel barysynda PIK jumysy jaıly mobıldik qosymshany qurý ıdeıasy aıtyldy. Bul qosymsha turǵyndarǵa jóndeý jumystarynyń júrgiziletindigi, sý berilýiniń toqtatylýy týraly jáne t.b. týraly aldyn ala eskertedi. Jalpy, is-shara uıymdastyrýshylary TKSh salasynda jumys isteıtin memlekettik organdar men kompanııalardyń ashyqtyǵyn atap ótti. Esterińizge salsaq, ashyq derekter - olardyń negizinde paıdaly servısterdi qurýǵa bolatyn, mashınamen oqylatyn jáne ary qaraı jarııalaný úshin memlekettik jáne jeke sektordyń belgili derekteriniń ashyq qoljetimdilikte bolýy tıis degen ıdeıany aıqyndaıtyn tujyrymdama. Bul salada qatynastardy retteıtin zańdar QR Senatynda maquldandy.