Astanada TQS qyzmetkeri jóndeýge qaldyrylǵan kólikterdiń avtobólshekterin urlaǵan
ASTANA. QazAqparat - Astanada jóndeýge qaldyrylǵan avtokólikterdiń qosalqy bólshekterin urlaýmen aınalysqan tehnıkalyq qyzmet kórsetý stansysynyń jumysshysy ustaldy, dep habarlaıdy QazAqparat tilshisi.
«Astana ІІD Almaty aýdandyq ishki ister bóliminiń tergeý bólimshesi tehnıkalyq qyzmet kórsetý stansysynyń jumysshysyna qatysty sotqa deıingi tergeý júrgizýde. Anyqtalǵandaı, kúdikti jóndeýge qaldyrǵan avtokólikterdiń qosymsha bólshekterin urlaǵan nemese almastyryp otyrǵan», - dep habarlady qalalyq ІІD baspasóz qyzmetinen.
Almaty aýdandyq ІІB krımınaldyq polıtsııa bólimshesi júrgizgen jedel-izdestirý is-sharalary nátıjesinde kúdikti Shymkent qalasynda ustaldy.
Qalalyq Іshki ister departamentiniń habarlaýynsha, qazir ol qamaýǵa alynǵan. QR Qylmystyq Kodeksiniń «urlyq» baby boıynsha sotqa deıingi tergeý júrgizilýde.
Polıtseıler kúdiktiniń áreketinen zardap shekkenderdi Almaty aýdandyq ishki ister bólimine júginýdi suraıdy.
