Astanada TQO obektilerdi qorǵaýdyń tsıfrlyq basqarý júıesi usynyldy
Aıta keteıik, jyl basynan ishki ister organdary qaladaǵy 1106 obektiniń 634-in tekserip shyqty. 115-ten astam buzýshylyqty joıý týraly uıǵarym jazyldy, 76 TQO obektiniń qojaıyny men basshysyna jáne de 5 kúzet qyzmetin júrgizetin sýbekti ákimshilik jaýapkershilikke tartyldy.
Májiliste qaýipsizdikti kúsheıte túsý úshin qaladaǵy barlyq terrorızmge qarsy júıeni qaıta qalyptastyrýǵa baǵyttalǵan birneshe usynystar aıtyldy.
Sonyń ishinde obektiler men halyqty qorǵaý protsesiniń ınteraktıvti júıesin usynatyn pılotty jobany bosatý. Avtorlardyń aıtýynsha usynylyp otyrǵan júıe árbir múddeli obektiniń aınalasyndaǵy ınfraqurylymdy daıyndyqqa, kez kelgen krızıstik jaǵdaı týyndaǵan kezde naqty áreketti josparlaýǵa, der kezinde qaı jaqqa kóshirýdiń baǵytyn anyqtaýǵa, tótenshe qyzmettiń kelý marshrýtyn, jedel shtabtyń ornalasý ornyn shemaly túrde anyqtaýǵa múmkindik beredi. Sonymen birge, astanadaǵy barlyq terrorızmge qarsy obektilerdiń qujatynyń tsıfrlyq nusqasy jınaqtalǵan júıe men «IKomek» Qalalyq monıtorıng jáne jedel áreket etý ortalyǵynyń bazasymen qamtamasyz etýdi usynýda.
Sondaı-aq jobany tolyqtaı keń túrde engizý úshin qaladaǵy barlyq obektilerdiń shemasyn qurastyrý qajet, oǵan kóppáterli turǵyn úıler de kiredi, tolyqtyrýdyń úzilissiz mehanızmi men málimetter bazasyn jańartyp otyrý, júktelgen krıterııge sáıkes múddeli obekti boıynsha aqparatty jedel túrde alýǵa kómektesedi, sýbektiniń ıeligine zardabyn tıgizbesten onlaın-monıtorıng júrgizedi jáne de bir mezette nemese mekenjaıǵa shuǵyl habarlandyrý jiberedi.
Jobany sátti iske asyrǵan jaǵdaıda óte kúshti tótenshe oqıǵalar kezinde jedel áreket etýdiń tıimdi júıesin qalyptastyrady. Bul jumystyń nátıjesi - qalanyń terrorızmge qarsy biryńǵaı qujattaryn qalyptastyrý jumysy bolmaq. Májilistiń qorytyndysy boıynsha Astana ákimi ókiletti organdarǵa atalmysh máseleni tııanaqty zerttep, aıtylǵan sharalardy iske asyrý týraly naqty usynystar engizýdi tapsyrdy.
