Astanada TQKS-ta iri órt boldy, bir adam mert bolyp, 10 kólik zaqymdandy
ASTANA. 20 jeltoqsan. QazAqparat - Astana qalasynyń Saryarqa aýdanynda túngi saǵat eki jarym shamasynda qalaaralyq avtobýstarǵa qyzmet kórsetý boıynsha Tehnıkalyq qyzmet kórsetý stansasynyń 2 qabatty ǵımaratynda órt boldy.
QR TJM-nan habarlaǵandaı, órttiń jaıylýy tańerteńgi saǵat 6.11-de toqtatylyp, taǵy bes saǵattan astam ýaqyttan keıin tolyǵymen sóndirildi. TJ saldarynan 10 kólik zaqymdandy, olardyń 6-ýy halyqaralyq avtobýs, 2-ýi baǵdarlyq avtobýs jáne 2 jeńil kólik, 3 avtobýs qaýipsiz aımaqqa kóshirildi.
Jalyn sharpyǵan aýmaq 1200 sharshy metrdi qurady. Saǵat 16.46-da japsarlas salynǵan ǵımarattyń úıindileri astynan janyp ketken adamnyń máıiti tabyldy (jeke tulǵasy anyqtalmaǵan). Tilsiz jaýdy aýyzdyqtaýǵa Astana qalasy boıynsha TJD órtke qarsy qyzmetiniń 72 adamy men 16 tehnıkasy, QR TJM «Apattar medıtsınasy ortalyǵy» MM-niń 3 adamy men 1 tehnıkasy jumyldyryldy.
