Astanada tis dárigeriniń fotokórmesi ashyldy (FOTOREPORTAJ)
ASTANA. QazAqparat - Búgin Astanadaǵy Reseı ǵylym jáne mádenıet ortalyǵynda RF fotosýretshileri odaǵynyń múshesi, astanalyq Genrıh Kýprııanovtyń «Sostoıanıe - 8» atty fotokórmesi ashyldy.
Kórmege áýesqoı fotosýretshiniń sońǵy bir-eki jylda túsirgen ár túrli janrdaǵy 40-tan astam sýretteri qoıylyp otyr. Olardyń kóbi Astananyń kórikti jerleriniń túrli rakýrstardan túsirilgen ásem kelbetin tanytady.
«Men ózim negizi tis dárigerimin. Burynǵy Aqmola, qazirgi Astanada jarty ǵasyr ómir súrip kelemin. Fotoǵa túsirý men úshin ermek, hobbı dep aıtýǵa bolady. Ózim qalany aralap júrgen kezde kóńilime unaǵan jerlerdi esime saqtap alyp, ol jer kúnniń qaı ýaqytynda asa ádemi bolatynyn shamalap, týra sol kezde fotoapparatymdy asynyp kele qalamyn», - deıdi kórme avtory.
G. Kýprııanov Chývash (Reseı) elinde týylǵan. Tatarstandaǵy Qazan memlekettik medıtsına ınstıtýtyn támamdap, Qazaqstanǵa, sol kezdegi Tselınogradqa kóship kelgen. Ol mamandyǵymen birge osy bir qıyn da qyzyqty fotosýretshilikti ómir boıy birge alyp júrdi. Kóptegen kórmeler uıymdastyryp, búkilodaqtyq, halyqaralyq konkýrstarda jeńimpaz da atandy.
Kórme 5-19 aqpan aralyǵynda jumys isteıdi.
