Astanada tiri donordan organdardy transplantatsııalaý boıynsha Koreıa mamandarynyń qatysýymen sımpozıým ótedi
ASTANA. QazAqparat - 8-10 qazanda № 1 qalalyq aýrýhana bazasynda Koreıa densaýlyq saqtaý ındýstrııasyn damytý ınstıtýtynyń (Korea Health Industry Development Institute) bastamasymen tiri donordan organdardy transplantatsııalaý boıynsha «Hırýrgııalyq mashyqtar men organdar transplantatsııasynan keıingi asqynýlardy júrgizý» taqyrybynda sımpozıým ótedi, dep habarlady astana.kz
Shara transplantologııanyń problemalyq máselelerine arnalǵan. Sımpozıým baǵdarlamasy aıasynda kásipqoılar men mamandar - dárigerler, orta medıtsınalyq jumyskerler ǵylymı jáne klınıkalyq aqparat, tájirıbe, tehnologııalar men organdar donorlyǵyn damytý, transplantatsııalaý jáne transplantatsııalyq úılestirý salasynda sarapshylardyń baǵalaýlarymen almasý úshin osy salada birlesip jumys istemek. Sımpozıýmǵa Seýl ulttyq ýnıversıteti gospıtaliniń (SNUH, Ońtústik Koreıa) jetekshi mamandary qatysady, jalpy jıynǵa 200 adam qatysady.
