Astanada Tımýr Bekmambetovtiń fılmi túsirilip jatyr
ASTANA. QazAqparat - Búgin keshke Tımýr Bekmambetovtiń «Shyrshalar 1914» atty jańajyldyq komedııasynyń bastapqy jáne sońǵy kórinisterin «Astana Opera» teatrynda túsirý bastaldy.
Kópshiliktiń súıikti «shyrshaly» dástúri jaıly fılmge kásipqoı akterlarmen birge irikteýden ótken qarapaıym kórermen de qatysyp, jappaı selfı jasap, Jańa jyldy mezgilinen bir jarym aı buryn qarsy ala alady.
100 jyl burynǵy kórinisti jetkizetin «Shyrshalar 1914» týyndysynyń bastapqy jáne sońǵy kadrlary qazirgi zamandy kórsetedi, onda sıýjet boıynsha shýlaǵan top 2015 jyldy qarsy alǵaly jatady, artynsha oqıǵa 1915 jyldyń qarsańyna aýysady.
Astanaǵa Jańa jyldyń estafetasy Krasnoıardan jetti, buǵan deıin aýqymdy aktsııaǵa reseıdiń ózge qalalary - Sankt-Peterbor, Perm, Irkýtsk, Omby, Qazan, Saratov jáne Voronej de qatysqan edi. Ár qalanyń jergilikti turǵyndary «Shyrshalar 1914» fılminiń sońǵy kórinisindegi ózderiniń nusqasyn tamashalaı alady, naqtyraq aıtqanda olar ózderin 25 jeltoqsanda qalalaryndaǵy kınoteatrlardan Rojdestvony eski stılde kóre alady.
«Shyrshalar 1914» rojdestvolyq komedııasynyń túsirilimderi aǵymdaǵy jyldyń aqpan aıynda bastalǵan bolatyn. Fılm Reseıdiń iri jáne shaǵyn qalalarynda, aqsúıekter úı-jaıynda jáne sharýalar úıinde, qaıǵysyz baldarda jáne Birinshi dúnıejúzilik soǵystyń qaharly maıdanynda órbıdi, dep habarlaıdy «Astana Opera» teatrynyń baspasóz qyzmeti.
