Astanada tilsiz jaý eki adamnyń ómirin qıyp ketti
ASTANA. Naýryzdyń 27-si. QazAqparat - Astana qalasynda órtte eki adam mert boldy, kómirqyshqyl gazyna ýlanǵan taǵy bir adam aýrýhanaǵa jetkizildi,
dep habarlady QR TJM-nan.
Vedomstvo baspasóz qyzmetiniń taratqan málimetine sáıkes, naýryzdyń 26-synan 27-sine qaraǵan túni Saryarqa aýdanynyń Parhomenko kóshesindegi jekemenshik turǵyn úılerdiń birinen órt shyǵyp, 70 sharshy metr aýmaqty sharpyǵan jalyndy sóndirý barysynda 42 jastaǵy áıel men 11 jastaǵy balanyń máıitteri tabyldy. Tútin gazyna ýlanǵan 45-tegi azamat dereý aýrýhanaǵa jetkizildi.
Tilsiz jaý TJM Astana qalasy boıynsha TJD órtke qarsy qyzmetiniń jeke quramdaǵy 30 adamy men 6 tehnıkasynyń kúshimen 2 saǵattan keıin aýyzdyqtaldy.
