Astanada «Tilge qurmet - elge qurmet» is-sharasy ótedi
ASTANA. Qyrkúıektiń 18-i. QazAqparat /Arman Asqarov/ - Kelesi aptada, qyrkúıektiń 21-i kúni Lev Gýmılev atyndaǵy Eýrazııa ulttyq ýnıversıtetinde «Tilge qurmet - elge qurmet» saltanatty is-sharasy ótedi.
Ýnıversıtet alańynda ótetin is-shara barysynda qazaqtyń kıiz úıleri tigilip, árbir úıde merekelik dastarhan jaıylady. Osy jerde ornatylatyn arnaıy sahnada «Dala sazy» orkestriniń súıemeldeýimen «Qara jorǵa» bıi oryndalyp, qazaqtyń ónerpaz jastary maqal-mátel jáne til saıystaryna óz baqtaryn synamaq. Іs-shara sońynda barlyq qatysýshylar birigip, «Atameken» ánin shyrqaıdy.
