Astanada Tilendıev kóshesinde jekemenshik úıdi órt shaldy
ASTANA. QazAqparat - Astana qalasynyń Tótenshe jaǵdaılar departamentine búgin saǵat 14:14-te Tilendıev kóshesi boıynda órt oryn alǵany týraly shuǵyl habarlama kelip tústi, dep habarlaıdy departamenttiń baspasóz qyzmetinen.
«Órt sóndirýshiler oqıǵa ornyna jetken sátte buzylýǵa jatatyn jekemenshik úıdiń órtenip jatqandyǵy anyqtaldy. Aldyn ala derekter boıynsha, jalyn 200 sharshy metrdi qamtyǵan. Órt sóndirýshilerdiń jedel de shıraq qımylynyń arqasynda jalynnyń taralýynyń aldy alyndy», delingen habarlamada. Tilsiz jaý saǵat 15:27-de aýyzdyqtaldy. Qazir oqıǵa ornynda órt sóndirýshiler jumys júrgizýde. Oǵan 6 tehnıka, jeke quramnan 30 adam tartyldy. Qurbandar men zardap shekkender joq.
