Astanada «TІLektester shashýy» atty tuńǵysh án festıvali ótti
ASTANA. Qazannyń 20-sy. QazAqparat /Arman Asqarov/ - Búgin Astanadaǵy «Jastar» saraıynda «TІLektester shashýy» atty tuńǵysh án festıvali uıymdastyryldy.
Kesh barysynda týǵan tilimizdiń damýyna tilektes jas ánshiler otan, ana, rýh pen til taqyrybyna óleń-jyr joldaryn arnap, asqaq rýhty qazaq eliniń keń dalasyn shyrqady. Jańabaı Ótegenov, Ǵanı Jumasheva, Asqar Jaılaýbaev, Gúlsánim Jumaǵalıeva, Erkebulan Sársenbekov, Aıgúl Elshibaeva, Janar Ádilbek, Tımýr Jubaqov, Ǵalııa Esqulova jáne taǵy basqa jas ánshiler shyrqaǵan ánder búginde «Astana radıosynyń» úzdik hıtterine enip otyr. Keshte án salǵan barlyq oryndaýshylarǵa is-sharanyń uıymdastyrýshysy - QR Memlekettik tildi damytý Prezıdenttik qorynyń arnaıy alǵys hattary tapsyryldy.
