Astanada Tildik saıasat jónindegi Saraptamalyq keńes quryldy
ASTANA.Qazannyń 27-si. QazAqparat - Memlekettik tildi damytýdyń Prezıdenttik qory janyndaǵy Tildik saıasat máseleleri jónindegi Astana qalasy boıynsha Saraptamalyq keńes qurylyp, jumysyn bastap ketti,
dep habarlaıdy QazAqparat.
Keńes quramyna 13 til mamandary men qoǵamdyq sarapshylar endi. Alǵashqy otyrysty Memlekettik tildi damytýdyń Prezıdenttik qor dırektory Berik Ábdiǵalı ashyp, Keńes mindetimen tanystyrdy.
Saraptamalyq keńestiń maqsaty - memlekettik tildi damytýǵa qoǵamdyq sarapshylardyń, mamandar men til janashyrlarynyń bilimderi men bilikterin jumyldyrý jáne til saıasaty jolynda baǵdarlamalar men jobalar ázirleý, qazaq tilin nasıhattaýǵa paıdalaný. Keńestiń úılestirýshisi bolyp, Memlekettik tildi damytýdyń Prezıdenttik qory dırektorynyń orynbasary Serik Erǵalı, Hatshysy retinde «Qazaq tili men ádebıeti muǵalimderiniń qaýymdastyǵy» qoǵamdyq qorynyń dırektory Aıgúl Ahmetqalıeva saılandy.
Keńes óziniń alǵy otyrysynda erejesi men jumys jospary bekitti. Búgingi ózekti taqyryptyń biri bolyp tabylatyn QazTEST júıesin engizýge qatysty ázirlengen Qazaq tilin meńgerý deńgeılerin anyqtaý talabynyń quzyrettilikterin belgileıtin memlekettik standarttar jobasynqarap, ony negizinen maquldady. Keńes músheleri QazTEST júıesi boıynsha qarasha aıynda ózderi qazaq tili boıynsha testilený arqyly onyń qandaı deńgeıdegi júıe ekenine kóz jibermek.
Sondaı-aq Qordyń qolǵa alyp otyrǵan «Qazaq almanaǵy» jýrnalyn shyǵarmashylyq qoldaý týraly jan-jaqty talqylandy.
