Astanada tilder festıvali aıasynda birqatar sharalar uıymdastyrylady

ASTANA. QazAqparat - Astanada tilder festıvali osymen on altynshy ret ótkizilip otyr. Bıylǵy shara 5 qyrkúıekte bastalyp, 19 qyrkúıekke deıin jalǵasady.

Elordalyq Tilderdi damytý basqarmasy qyzmetkerleriniń aıtýynsha, sharanyń ashylý saltanaty erekshe bolmaq. Bul kúni Astana ulttyq sýret galereıasynda Q.Qýanyshbaev atyndaǵy Memlekettik akademııalyq qazaq mýzykalyq drama teatrynyń ártisteri men belgili otandyq ártister Baýyrjan Isaev, Jańabaı Ótegenov, Marjan Arapbaeva men Ardaq Balajanova óner kórsetedi. Sonymen qatar «Naz» bı teatry, belgili aıtysker aqyndar Balǵynbek Imashev pen Ásem Erejepqyzy aıtysyp, sheberlik baıqasty. Festıval aıasynda elordada túrli baıqaýlar, shyǵarmashylyq keshter men kontsertter uıymdastyrylady. Maqsaty - memlekettik tildiń mártebesin, qoǵamdaǵy rólin arttyrý, dep habarlanǵan elorda ákimdiginiń resmı saıtynda.