Astanada «Til janashyry - 2011» qurmet belgilerimen marapattaý saltanaty ótti
TANA. 30 qarasha. QazAqparat /Gúlmıra Alıakparova/ - Astanadaǵy Beıbitshilik jáne kelisim saraıynda qazaq tiliniń kúıin kúıttep, joǵyn joqtap júrgen til janashyrlary «Til janashyry» qurmet belgilerimen marapattaldy.
«Til janashyry» qurmet belgilerimen marapattaý saltanaty «Til janashyry» qoǵamdyq birlestiginiń bastamasymen jáne Mádenıet mınıstrligi Til komıtetiniń qoldaýymen osymen úshinshi márte ótkizildi.
QR Prezıdentiniń Jarlyǵymen bekitilgen «Tilderdi qoldaný men damytý» memlekettik baǵdarlamasy aıasynda dástúrli uıymdastyrylatyn bul marapatpen tilimizge shynaıy janashyrlyq tanytyp, naqty isimen qazaq tiliniń kórkeıýine úles qosqan azamattar: memlekettik qyzmetkerler, qoǵam qaıratkerleri, buqaralyq aqparat ókilderi marapattalyp keledi.
Bıyl «Til janashyry» qurmet belgilerimen - «Qazaqstan-Zaman» gazetiniń bas redaktory Ahmet Alıaz, «Bolashaq» qaýymdastyǵynyń tóraǵasy Baýyrjan Baıbek, Qazaqstannyń eńbek sińirgen qaıratkeri, fılologııa ǵylymdarynyń doktory Namazaly Omashev, respýblıka Joǵarǵy Sotynyń qylmystyq ister jónindegi qadaǵalaý sot alqasynyń sýdıasy Ádil Quryqbaev, qazaq aıtys óneriniń uıymdastyrýshysy, aqyn Júrsin Erman, «Habar» agenttigi AQ basqarma tóraǵasy Aıdos Úkibaı, «Aıqyn» gazetiniń bas redaktory Nurtóre Júsip, «Altyn qyran» kompanııalar tobynyń bas dırektory, metsenat Islambek Saljanov, «Nátıje» sút fabrıkasynyń dırektory, metsenat Erlan Áshimov, «7»-telearnanyń dırektory Bıbigúl Jeksenbaı, «Qazneftegazprom» kompanııasynyń prezıdenti, metsenat Jánibek Elekbaev, «Qazaqqstan» UTK-nyń júrgizýshisi Maıa Veronskaıa, «Alash aınasy» gazetiniń bas redaktory Serik Janbolat, «Aıgólek» jýrnalynyń bas redaktory Qymbat Ábildına, «Qazaqsha «Vıkıpedııa» qoǵamdyq qorynyń basshysy Raýan Kenjehanuly, sazger-ánshi Marat Omarov pen «Jas qazaq» gazetiniń bas redaktory Qazybek Isa marapattaldy.
Aıta keteıik, «Til janashyry» qurmet belgisi alǵash ret 2008 jyly QR Mádenıet jáne aqparat mınıstrligi Til komıtetiniń qoldaýymen qazaq tilin zerttep júrgen sheteldik ǵalymdarǵa, qazaqstandyq til janashyrlaryna berildi. Olardyń qatarynda: Túrkııa professory Ábdýaqap Qara, Eýropa Qypshaqtar qaýymdastyǵynyń prezıdenti Vad Laslo, Ońtústik Koreıanyń Hankýk ýnıversıtetiniń professory Iýn Sı Ne, Mıýnhen ýnıversıtetiniń professory Qaıým Kesıjı, Indıana ýnıversıtetiniń professory Ýılıam Fıerman bar.
Kelesi - 2009 jylyqurmet belgisiniń «qundylyǵy» artty. Ol Óskemenniń Teńge saraıynda arnaıy ázirlendi.Zaýyttan shyqqannómiri birinshi «Til janashyry» qurmet belgisi Qazaqstan Respýblıkasynyń Prezıdenti N.Á.Nazarbaevqa tapsyryldy.
