Astanada TikTok-ta balaǵat sózder aıtqan jigit qamaýǵa alyndy
ASTANA. KAZINFORM — Áleýmettik jelilerge júrgizilgen monıtorıng barysynda polıtseıler TikTok platformasyndaǵy tikeleı efır kezinde qoǵamdyq tártipti buzý faktisin anyqtady.
Polıtsııanyń málimetinshe, 18 jastaǵy Janarys Jumabaı onlaın-translıatsııa kezinde kópshilik aldynda balaǵat sózder aıtyp, jalpyǵa ortaq minez-qulyq normalaryn buzǵan.
Atalǵan fakti boıynsha jigit usaq buzaqylyq jasaǵany úshin ákimshilik jaýapkershilikke tartyldy.
Sot qaýlysymen oǵan 10 táýlik merzimge qamaýǵa alý jazasy taǵaıyndaldy.
Eske salaıyq, buǵan deıin Aqtóbede er adam TikTok-ta balaǵat sóz aıtqany úshin qamaýǵa alynǵanyn habarlaǵan edik.
Onyń aldynda Taldyqorǵanda TikTok efırinde balaǵat sóz aıtqan áıel jazalanǵanyn jazǵanbyz.