Astanada TikTok arqyly «emdegen» alaıaq sottaldy

ASTANA. KAZINFORM – Sot úkimimen kináli adam 2 jyl 4 aı merzimge bas bostandyǵynan aıyrý jazasyna sottaldy.

Astana qalasynyń turǵyny «TikTok» áleýmettik jelisinde ózin «emshi» retinde tanystyryp, ekstrasensorlyq qabiletteri arqyly emdeý qyzmetterin usynǵan akkaýnt ashqan.

Áleýmettik jeliler arqyly jábirlenýshilerdiń biriniń densaýlyǵyna qatysty máseleleri bar ekenin bilgen ol, ózin erekshe qabiletke ıe adam retinde kórsetip, belgili bir aqyǵa «emdeý» qyzmetin kórsete alatynyna sendirgen.

— Kináli 3 jábirlenýshiden jalpy somasy 5,5 mln teńgeden asatyn aqshalaı qarajatty alaıaqtyq jolmen ıemdenip, ony býkmekerlik keńselerde stavka jasaýǵa jumsaǵan, — delingen Astana qalasynyń prokýratýrasy taratqan habarlamada.

Memlekettik aıyptaýshy sotta sottalýshynyń kinásin dáleldeıtin barlyq dáleldemeni usyndy.

Sotta aıyptalýshy kinásin tolyq moıyndap, keltirilgen zalaldy ishinara ótegen.

Sot úkimimen kináli adam 2 jyl 4 aı merzimge bas bostandyǵynan aıyrý jazasyna sottaldy.

Úkim zańdy kúshine endi.

Aıta ketelik Túrkistan oblysynda esirtkiniń zańsyz aınalymyna qatysty 130-dan astam qylmys anyqtaldy.