Astanada Tesla kóligimen soqtyǵysqan júk kóligi kópirden qulap ketti
ASTANA. KAZINFORM — 19 qazanda Astanany aınalyp ótetin tasjolda Tesla kóligi men assenızator júk kóligi soqtyǵysty.
Soqqydan keıin júk kóligi jol qorshaýyn buzyp, kópirden qulap ketken.
Aldyn ala málimet boıynsha, Tesla kóligin 49 jastaǵy áıel basqarǵan. Ol jolaıryq arqyly kópirge kóteriler tusta negizgi jolmen kele jatqan júk kóligine jol bermegen.
— Saldarynan kólikter soqtyǵysyp, júk kóligi jol qorshaýyn buzyp, kópirden qulap ketti, — dep habarlady polıtsııa.
Júk kóligin basqarǵan 71 jastaǵy júrgizýshi medıtsınalyq kómek kórsetý úshin aýrýhanaǵa jetkizildi.
Qazir oqıǵanyń mán-jaıy anyqtalyp, tekserý júrgizilip jatyr.
Eske salaıyq, buǵan deıin Petropavlda júk kóligi kópirden qulaǵanyn habarlaǵan edik. Joldan shyǵyp ketken júk kóligi sýǵa batyp kete jazdaǵan.
