Astanada terrorızmmen kúres jónindegi jedel shtab otyrysy ótti
ASTANA. QazAqparat - Aǵymdaǵy jyldyń 20 qyrkúıeginde terrorızmmen kúres jónindegi jedel shtab otyrysy ótti. Jıynda elordadaǵy lańkestik qaýiptiń «sary» deńgeıi aıasynda terrorıstik turǵyda osal nysandardaǵy jedel sharalardyń nátıjesi men vedomstvoaralyq árekettestik máseleleri qaraldy.
Elordalyq terrorızmmen kúres jónindegi jedel shtabtyń baspasóz qyzmetiniń habarlaýynsha, lańkestik oqıǵanyń oryn alǵany týraly habar túsken jaǵdaıda shuǵyl qolǵa alynatyn is-sharalar jaıly Astana q. ІІD basshysynyń orynbasary Esenbaı B.E., elordalyq TJD basshysynyń orynbasary Qaısanov M.S. jáne jergilikti polıtsııa qyzmeti basshysynyń orynbasary Jakın G.S. baıandady.
Sonymen qatar, qaýipsizdik máselesi boıynsha qalanyń temir jol jáne avtovokzaldarynyń jetekshileri, «Astana EKSPO-2017» UK» AQ qaýipsizdik departamentiniń basshysy sóz sóıledi.
Jıyn qorytyndysynda elorda men onyń turǵyndarynyń qaýipsizdigin qamtamasyz etý boıynsha tıisti sheshimder qabyldandy.
