Astanada terrorızmge qarsy Aqaba protsesiniń sammıti ótip jatyr
ASTANA. KAZINFORM — Astanada Aqaba protsesiniń «Jasandy ıntellekt salasyndaǵy qaýipsizdik» taqyrybyna arnalǵan sammıti ótip jatyr. Bul týraly Aqordanyń baspasóz qyzmeti habarlady.
Sammıtke Qazaqstan Prezıdenti Qasym-Jomart Toqaev, Iordanııa Koroli ІІ Abdalla ben ál-Hýseın, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Ózbekstan Prezıdenti Shavkat Mırzıeev, Ázerbaıjan Ulttyq jınalysynyń spıkeri Sahıba Gafarova, Qyrǵyzstan Syrtqy ister mınıstri Jeenbek Kýlýbaev jáne basqa da resmı tulǵalar qatysyp jatyr.
Aqaba protsesi – Iordanııa Koroli ІІ Abdalla ben ál-Hýseın 2015 jyly kótergen terrorızmge jáne zorlyqshyl ekstremızmge qarsy is-qımyl salasyndaǵy halyqaralyq bastama.
Atalǵan alańda qaýip-qaterlerge qatysty ortaq túsinikti qalyptastyrý jáne naqty áreket etý sharalaryn úılestirý maqsatynda memleketter basshylary, arnaıy qyzmetterdiń, áskerı vedomstvolardyń jáne halyqaralyq uıymdardyń jetekshileri bas qosady.
