Astanada terrorızm aktisi týraly paraqshalar taratqan oqýshynyń ata-anasy jaýapqa tartyldy
ASTANA. KAZINFORM — Astanada terrorızm aktisi týraly paraqshalar taratqan oqýshynyń ata-anasy jaýapqa tartyldy, – dep habarlaıdy Polisia.kz.
Baıqońyr aýdanynyń polıtsııa basqarmasy QR QK-niń 273-baby 1-bóligi boıynsha (Terrorızm aktisi týraly kórineý jalǵan habarlama) boıynsha sotqa deıingi tergep-tekserýdi bastady, tıisti saraptamalar taǵaıyndaldy. Elordalyq mekteptiń muǵalimi polıtsııaǵa 9-synyp oqýshysynyń úziliste basqa oqýshylarǵa mektep qabyrǵasynda zańsyz áreketterdi jasaýǵa shaqyratyn is-sharalar týraly paraqshalar taratyp jatqanyn baıqaǵany týraly polıtsııaǵa júgindi.
Oqıǵa ornyna jedel-tergeý toby dereý jiberildi. Mán-jaıdy anyqtaǵan kezde jasóspirim ázil úshin kompıýterde mátin jazǵanyn jáne paraqshalardy basyp shyǵarǵanyn moıyndady.
Sonymen qatar oqýshynyń zańdy ókilderine qatysty QR ÁQBtK-niń 127-baby (Kámeletke tolmaǵan adamdy tárbıeleý jáne (nemese) oǵan bilim berý, onyń quqyqtary men múddelerin qorǵaý jónindegi mindetterdi oryndamaýy) boıynsha ákimshilik is qozǵaldy.
Astana qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynyń sheshimimen kámeletke tolmaǵannyń anasyna aıyppul salyndy. Polıtsııa departamenti mundaı áreketter úshin qylmystyq jaýapkershilik 14 jastan bastalatynyn eske salady. Balalardy tárbıeleý boıynsha tıisti sharalardy qabyldamaǵany úshin ata-analar qoldanystaǵy zańnamaǵa sáıkes ákimshilik jaýapkershilikke tartylatyn bolady.
