Astanada termınaldy tonaǵan ońtústikqazaqstandyqtar ustaldy
ASTANA. QazAqparat - Astanada polıtsııa qyzmetkerleri travmatıkalyq qarýmen qorqytyp, qyzmet úshin tólemderdi qabyldaıtyn termınaldardaǵy aqshany tonaǵan OQO turǵyndaryn ustady.
23 aqpanda shamamen saǵat 03:00-de belgisiz bireýler dúkende kúzetshini travmatıkalyq qarýmen qorqytyp, qyzmet úshin tólemder qabyldaýǵa arnalǵan termınaldy urlaǵan. Osylaısha, olar 380 000 teńge kóleminde shyǵyn keltirgen. «Almaty» aýdandyq ІІB qyzmetkerleri 1990 jáne 1984 jyldary týǵan Ońtústik Qazaqstan oblysynyń jumyssyz turǵyndaryn ustaǵan. Polıtseıler anyqtaǵandaı, kúdiktiler 28 qańtarda osy syndy qylmysqa barǵan. Ol kezde túngi ýaqytta dúken kúzetshisin qarýmen qorqytyp, kassadaǵy qarajatty jymqyrǵan. Atalǵan faktiler boıynsha QR QK 191-shi babyna sáıkes qylmystyq is qozǵaldy. Qazirgi ýaqytta ustalǵandar Astana q. ІІD ýaqytsha ustaý oqshaýlaǵyshyna qamaldy. Tergeý amaldary júrgizilýde. Ustalǵandardyń osyǵan uqsas ózge qylmystarǵa qatystylyǵy tekserilýde.
