Astanada termınaldardy urlaý qylmysy áshkerelendi
ASTANA. QazAqparat - Astana polıtseıleri tólem termınaldaryn urlaý faktisin «izin sýytpaı» áshkereledi, dep habarlaıdy «QazAqparat» HAA tilshisi elordalyq ІІD baspasóz qyzmetine silteme jasap.
«Departamentke qala turǵyny belgisiz bireýlerdiń dúkenderdiń birindegi tólem termınalyn urlap ketkendigi týraly shaǵym túsirdi. «Quqyqtyń tártip» jedel-profılaktıkalyq sharalar aıasynda jedel-izdestirý sharalaryn ótkizý barysynda termınaldardy urlaýmen aınalysatyn qylmystyq top anyqtaldy, kúdiktilerdiń biri retinde 22 jastaǵy «Gazel» kóliginiń júrgizýshisi ustaldy», - dep habarlady polıtsııadan.
«Qazirgi tańda qylmysqa qatysy bar úsh adamdy ustaý boıynsha jedel-izdestirý sharalary júrgizilip jatyr. Kúdiktilerdiń biriniń turǵylyqty mekenjaıynan taǵy bir tólem termınaly tabyldy. Polıtseıler olardyń qala aýmaǵynda jasalǵan osy sıpattaǵy qylmystarǵa qatysynyń bar-joǵyn anyqtap jatyr», - dep aqparat berdi ІІD-de.
