Astanada teris pıǵyldy dinı aǵymdardan zardap shekkenderge kómek kórsetetin jańa ortalyq ashyldy

«Elimizdegi dinı saladaǵy ahýaldardyń damý úrdisi qarqyndy. Buǵan qatysty keıingi kezderde birqatar is-sharalar qabyldanyp jatyr. Osy oraıda, qalalyq deńgeıde de úlken joba qolǵa alynyp otyr. Astana qalasy Іshki isaıasat basqarmasynyń qarjylyq qoldaýymen Dinı máselelerdi zertteý jáne psıhologııalyq ońaltý ortalyǵy óz jumysyn bastady. Ortalyqtyń negizgi maqsaty jat pıǵyldy dinı aǵymdardyń yqpalyna túsken, qurbandaryna aınalǵan jandarǵa kómek qolyn sozý», - dep atap ótti búgin ótken baspasóz máslıhatynda Astana qalasy Іshki saıasat basqarmasy úkimettik emes uıymdar jáne dinı birlestiktermen jumys jónindegi bólimniń bastyǵy Rýslan Qamash.

Ortalyqta dintanýshy, sotsıolog, psıholog mamandary psıhologııalyq ońaltý kómekterin kórsetse, zańgerler adam quqyqtary boıynsha keńesterin beretin bolady. Onymen birge ortalyq qaladaǵy dinı jaǵdaıǵa monıtorıng jasap, taldaý, zertteý jumystaryn júrgizedi. Átúrli dinı birlestikterdiń qyzmetine qatysty bılik organdaryna, qoǵamdyq uıymdarǵa, BAQ-qa qolǵabys etip, aqparattyq kómek kórsetedi. 8 (7172) 50 24 98 shuǵyl telefon jelisi arqyly psıhologııalyq keńes beriledi.

Dinı máselelerdi zertteý jáne psıhologııalyq ońaltý ortalyǵynyń jetekshisi Esbosyn Smaǵulov atap kórsetkendeı, dástúrli emes dinı uıymdardan shyǵýdyń eń jaqsy joly - oǵan kirip ketpeý. Sondyqtan, ortalyq qoǵam arasynda aqparattandyrý jumystaryn myqtap qolǵa almaq.

Aıta keteıik, búgingi kúni Astanada qyzmetteri dinı máselelerge baǵyttalǵan 3 ortalyq jumys isteıdi. Aǵymdaǵy jyldyń basynda ashylǵan «Kókbozat» qoǵamdyq birlestiginiń ortalyǵyna 20-dan astam adam kómek surap kelgen, senim telefonyna 30-dan astam qońyraýlar túsken.