Astanada tergeýshige shabýyl jasaǵan úsh adam sottalyp ketti
ASTANA. KAZINFORM — Sot úkimimen bılik ókiline qatysty kúsh qoldanǵany úshin úsh adam sottaldy, dep habarlaıdy Astana qalasy prokýratýrasynyń baspasóz qyzmeti.
Quqyq qorǵaý organynyń tergeýshisi memlekettik ortalyq organdardyń biriniń laýazymdy tulǵalary men JShS basshylyǵyna qatysty jymqyrý faktisi boıynsha qylmystyq isti tergep, kompanııanyń aktıvterin buǵattaǵan. Onyń qyzmettik mindetterin oryndaǵany úshin kek alý maqsatynda sottalǵan úsh adam tergeýshige shabýyl jasaýdy uıymdastyrǵan.
Qylmystyq pıǵylyn iske asyrý barysynda olar jábirlenýshiniń turǵylyqty mekenjaıyna baryp, úıiniń kireberisinde oǵan shabýyl jasaǵan.
Sotta memlekettik aıyptaýshy shabýyl jasaǵandardyń kinásin tolyq dáleldedi.
— Sot úkimimen shabýyldyń uıymdastyrýshysy 5 jylǵa bas bostandyǵynan aıyrylyp, qalǵan eki qatysýshy sáıkesinshe 4 jáne 3 jylǵa bas bostandyǵynan aıyryldy. Úkim zańdy kúshine endi, — delingen habarlamada.
Eske salsaq, budan buryn zeınetker týysyn qutqarý úshin jalǵan tergeýshige jarty mln teńge berip jibergeni anyqtaldy.