Astanada tennısten Virtus álem chempıonaty ótip jatyr

ASTANA. KAZINFORM — «Dáýlet» tennıs ortalyǵynda tennısten Virtus álem chempıonaty bastaldy.

Qazaqstan – ıntellektýaldy damý erekshelikteri bar jahandyq dodany Azııa qurlyǵynan birinshi bolyp qabyldaǵan birinshi el atandy.

- Elimizde ınklıýzıvti tennıstiń damýyna kóńil bólinip keledi. Úsh jyldyń ishinde Qazaqstannyń 8 qalasynda arbadaǵy tennıs sektsııasy ashyldy. Qazaqstan kýbogy, Qazaqstan chempıonaty ótip turady. 2024 jyly ulttyq quramamyz jasaqtalyp, álem chempıonatyna qatysty. Eki tennısshimiz álemdik reıtıngte TOP-200-ge kirip úlgerdi. Endi óz jerimizde alǵash ret jahandyq dodany qabyldaý quqyǵyna ıe bolyp jatyrmyz. Barlyǵyńyzǵa sáttilik tileımin, - dedi Qazaqstan tennıs federatsııasynyń vıtse-prezıdenti Dıas Dosqaraev.

Bul básekege Qazaqstannan bólek, Belgııa, Aýstralııa, Polsha, Italııa, Ulybrıtanııa, Úndistan, Frantsııa elderinen 50-den astam sportshy keldi.

Jarys barysynda qatysýshylar 5-10 mamyr aralyǵynda úsh sanat boıynsha (jekeleı, juptyq, komandalyq saıys) júldelerdi sarapqa salynady:

II1 — jeńil deńgeıdegi aqyl-oı kemistigi bar sportshylar
II2 — Daýn sındromy bar sportshylar
II3 — aýtızm spektrindegi buzylystary bar sportshylar

Aıta keteıik  dál osy «Dáýlet» tennıs ortalyǵy 2021 jyly elimizde alǵash ret para tennısten ishki týrnırdi ótkizgen bolatyn.

Bul dodada Qazaqstan quramasy Astana, Almaty, Aqkól qalalarynan 7 sportshy jasaqtaldy.

Aıta ketelik Astanada 9-11 mamyr kúnderi ótetin dzıýdodan Qazaqstan Barysy Grand Slam 2025 álemdik jarysyna qatysatyn Qazaqstan quramasy anyqtalǵan edi.