Astanada tennısten «Prezıdent Kýbogy - 2017» halyqaralyq týrnıri bastaldy
ATR Challenger jáne ITF Women's serııasynyń HІH «Prezıdent Kýbogy - 2017» halyqaralyq týrnıri 18-23 shilde aralyǵynda Astana qalasynyń Ulttyq tennıs ortalyǵynda uıymdastyrylady. Halyqaralyq dárejedegi aýqymdy jarys EKSPO-2017 kórmesiniń aıasynda ótkizilýde.
Jalpy júlde qory - 225 000 AQSh dollary.
Týrnırge álemniń 21 elinen 200 tennısshi ózara bas synaspaq. Olardyń arasynda álemdik reıtıngtiń úzdik júzdiginiń tennısshileri de bar. Qazaqstan tennısshilerinen atalǵan saıysqa Mıhaıl Kýkýshkın, Andreı Golýbev, Dmıtrıı Popko, Aleksandr Býblık, Anna Danılına men Kamıla Kerimbaeva qatarly úzdik sportshylar qatysady.
Týrnırdiń ashylý saltanatyna QR Mádenıet jáne sport mınıstrliginiń sport jáne dene shynyqtyrý isteri komıtetiniń tóraǵasy Elsııar Qanaǵatov, Qazaqstan tennıs federatsııasynyń vıtse-prezıdenti Dıas Dosqaraev, Qazaqstan tennıs federatsııasy atqarýshy dırektory ıÝrıı Polskıı, Ulttyq tennıs ortalyǵynyń dırektory Qýandyq Eljanov qatysty. Sonymen birge, jarysqa ATR jáne ITF bas tóreshileri Andreı Kornılov pen Massımo Morellı arnaıy kelip otyr.
«Elimizde EKSPO-2017 kórmesi bastalǵaly beri 20-dan astam halyqaralyq dárejedegi sport saıysy ótip jatyr. Sonyń ishinde aýqymdy jarystardyń biri - osy tennısten ótip jatqan halyqaralyq «Prezıdent kýbogy - 2017». Memleket basshysynyń qoldaýynyń arqasynda elimizde sport joǵary deńgeıde damyp keledi. Qonaqtarǵa qosh keldińizder demekpin. Osy jarysta barlyq sportshylarǵa úlken jetistikke jetýine tilektespin. Tennıs elimizde tanymal sport túrleriniń biri bola bastady», - dedi týrnırdiń ashylý saltanatynda Elsııar Qanaǵatov.
Tennıstiń alǵashqy oıyny saǵat 11:00-de bastaldy. Ulttyq tennıs ortalyǵynda saıysty tamashalaý úshin tegin kirýge bolady.
