Astanada tennısten Prezıdent kýbogi úshin dástúrli jarys ótedi
ASTANA. KAZINFORM – Astana qalasyndaǵy Beeline arena ulttyq tennıs ortalyǵynyń jazǵy hard korttarynda 14-28 shilde aralyǵynda Prezıdent kýbogi úshin ATP Challenger Tour jáne ITF World Tennis Tour jarystary ótedi.
Qazaqstan tennıs federatsııasynan málim etkenindeı, Prezıdent kýbogi úshin dástúrli halyqaralyq týrnır osymen 17 ret uıymdastyrylyp otyr.
Bıyl atalmysh dodada Grıgorıı Lomakın, Ámir Omarhanov, Arýjan Saǵyndyqova, Sonıa Jıenbaeva, Asyljan Arystanbekova, Sandýǵash Kenjebaeva jáne basqalar Qazaqstan namysyn qorǵaıdy.
Kóptegen ataqty tennısshiler qatysyp, jeńimpaz atanǵan Prezıdent kýbogi 1991 jyldan beri ótkizilip keledi. 2007 jyly jarys halyqaralyq mártebege ıe boldy.
Eske sala keteıik, budan buryn Elena Rybakınanyń Ýımbldondaǵy qarsylasynyń myqty tustary týraly aıtqanyn jazǵan edik.
Sondaı-aq Ýımbldonda qazaqstandyq jasóspirimder juptyq synda kelesi aınalymǵa shyqty.
