Astanada tennısten Qazaqstan jazǵy chempıonatynyń jeńimpazdary anyqtaldy
ASTANA. KAZINFORM — Astana qalasyndaǵy Beeline Arena ulttyq tennıs ortalyǵynda eresekter arasynda Qazaqstan jazǵy chempıonaty máresine jetti.
Áıelder arasynda jekeleı synda almatylyq Іńkár Dúısebaı men astanalyq Sandýǵash Kenjebaeva bas júldeni sarapqa saldy.
Tartysty básekede І.Dúısebaı 7:5, 6:2 esebimen jeńiske jetip, chempıon atandy. Qola júlde aqtóbelik Eva Koryshevaǵa buıyrdy.
Erler arasynda fınalda qyzylordalyq Erasyl Erdildáni 6:3, 6:3 esebimen tize búktirgen aqtaýlyq Danııal Rahmetýllaev úzdik shyqty.
Aqtóbelik Mansur Saıynov úshinshi oryndy qanaǵat tutty.
Áıelder arasynda juptyq synda sońǵy básekede Іńkár Dúısebaı (Almaty) men Albına Kákenovadan (Astana) aılasyn asyrǵan almatylyqtar Asyljan men Erkejan Arystanbekovalar jeńis bıigine kóterildi. Almatylyq Aııa Nupbaı men tarazdyq Anastasııa Krymkova úzdik úshtikti túıindedi.
Erlerdiń juptyq synynda astanalyq Erasyl Baqtııar men qyzylordalyq Erasyl Erdildá qarsylas shaq keltirmedi. Astanalyqtar Іlııas Maratuly – Islam Orynbasar – ekinshi, almatylyqtar Tımýr Saýlenko – Arsenıı Trebýhın úshinshi orynǵa ıe boldy.
Jarys jeńimpazdaryna Qazaqstannyń sport sheberi ataǵy beriledi.
Endi el chempıonatyna qatysqan tennısshilerdiń birqatary Astanada Prezıdent kýbogy aıasynda ótetin halyqaralyq týrnırlerde baq synaıdy.
Eske sala keteıik, budan buryn Aleksandr Býblıktiń Aýstrııadaǵy týrnırde chempıondyq ataǵyn qorǵaı almaǵanyn jazǵan edik.
