Astanada tennısten Qazaqstan jazǵy chempıonaty ótedi

ASTANA. KAZINFORM – 21-26 shilde aralyǵynda Astana qalasyndaǵy Beeline Arena tennıs ortalyǵynda eresekter arasynda Qazaqstan jazǵy chempıonaty ótedi.

Qazaqstan tennıs federatsııasynan málim etkenindeı, alty kúnge sozylatyn dodaǵa tájirıbeli oıynshylarmen birge jastar da qatysady.

ATP álemdik reıtıngisinde 911-orynda turǵan 17 jastaǵy Ámir Omarhanovqa jankúıerlerdiń nazary erekshe. Jas tennısshiniń halyqaralyq jarystarda sátti óner kórsetip kele jatqany belgili.

Qatysýshylar arasynda Qazaqstan ulttyq quramasynyń múshesi Jibek Qulambaeva (№300 WTA), sondaı-aq keıingi kezde aıryqsha kózge túsip júrgen Sandýǵash Kenjebaeva (№975 WTA) jáne Arýjan Saǵyndyqova (№1050 WTA) bar.

Erler arasynda Á.Omarhanovtan basqa kásibı deńgeıde tájirıbe jınap úlgergen Grıgorıı Lomakındi (№862 ATP) aıtýǵa bolady.

Týrnır barysynda jańa esimderdiń shyǵyp qalýy da ábden yqtımal.

Eske sala keteıik, budan buryn Shveıtsarııadaǵy týrnırde Aleksandr Shevchenkonyń otandasymen oınaıtynyn jazǵan edik.