Astanada tennısten halyqaralyq týrnırler serııasy ótedi
ASTANA. KAZINFORM — 27 shilde men 16 tamyz aralyǵynda Astanadaǵy Ulttyq tennıs ortalyǵynyń ashyq hard korttarynda Prezıdent kýbogy halyqaralyq tennıs týrnırler serııasy ótedi. Jarys aıasynda ATP Challenger Tour jáne World Tennis Tour týrnırleri uıymdastyrylady.
27 shilde men 9 tamyz aralyǵynda World Tennis Tour W15/M15 týrnırleri ótse, 10 tamyzdan bastap ATP Challenger 50 jáne World Tennis Tour W15 dodalarynyń oıyndary bastalady.
Bıylǵy Prezıdent kýbogynda Qazaqstan atynan Ámir Omarhanov, Zańǵar Nurlanuly, Damır Jalǵasbaı, Arýjan Saǵandyqova, Asyljan Arystanbekova, Іńkár Dúısebaı, Sandýǵash Kenjibaeva jáne Albına Kakenova óner kórsetedi.
Aıta keteıik, Prezıdent kýbogy Qazaqstanda 1991 jyldan beri turaqty túrde ótkizilip keledi. Al týrnır 2007 jyly halyqaralyq mártebege ıe boldy.
Ár jyldary bul jarystyń jeńimpazdary qatarynda qazaqstandyqtar Mıhaıl Kýkýshkın men Andreı Golýbev, ýkraınalyq Ilıa Marchenko, aýstrııalyq Sebastıan Offner, Germanııa quramasynyń qazirgi kapıtany Raıner Shýttler, horvatııalyq Ivan Dodıg (Australian Open men Roland Garros týrnırleriniń juptyq syndaǵy chempıony), qytaılyq Chjan Shýaı (juptyq synda «Úlken dýlyǵa» týrnırleriniń eki dúrkin chempıony) jáne basqa da tanymal tennısshiler bar.
Eske salaıyq, buǵan deıin Jibek Qulambaeva Germanııadaǵy týrnırde jarystyń 2-raketkasyn jeńgenin habarlaǵanbyz.
