Astanada tennısten Federatsııa kýbogy І tobynyń matchtary ótedi
ASTANA. QazAqparat - 4-9 aqpan kúnderi Astanadaǵy Ulttyq tennıs ortalyǵynda Federatsııa kýbogy І tobynyń matchtary ótedi. Onda Azııa jáne Okeanııa aımaǵyna kiretin elder synǵa túsedi, dep habarlaıdy QazAqparat Qazaqstannyń Tennıs federatsııasyna silteme jasap.
Komandalar Qazaqstan astanasyna 4 aqpan kúni kelip, jattyǵýlaryn ótkizedi. 5 aqpanda komandalardyń kapıtandary ózara kúsh synasady.
6 aqpan kúni tańǵy 11-den bastap Qazaqstan - Taıland, Qytaı - Okeanııa, Koreıa - Indonezııa matchtaryn tamashalaýǵa bolady.
Kelesi kúni Qytaı - Koreıa, Úndistan - Taıland jáne Indonezııa - Okeanııa matchtary bolady.
Sońǵy týr oıyndary 8 aqpanda ótedi. Onda Qazaqstan Úndistanmen oınaıdy, sondaı-aq Qytaı - Indonezııa, Koreıa - Okeanııa kezdesýleri ótkiziledi.
9 aqpan kúni 11:00-de tennısten Federatsııa kýbogy Azııa/Okeanııa aımaǵy І toby matchtarynyń fınaly ótedi. Onda ІІ Álemdik toptyń pleı-off kezdesýlerine joldama beriledi.
Eske sala ketsek, Astanada Qazaqstan men Portýgalııa arasyndaǵy Devıs kýbogynyń birinshi raýnd matchy aıaqtaldy. Portýgalııany 3:1 esebimen jeńgen Qazaqstan Devıs kýbogynyń fınal kezeńine shyqty.
