Astanada tennısten Devıs kýbogy jolyndaǵy jarys bastalady

Qazaqstan quramasy Ońtústik Koreıa elinen kelgen jigittermen kortqa shyǵady. Azııa-Tynyq muhıty aımaǵy atalatyn topta Qazaqstan men Koreıa birinshi raýndtyń oıyndaryn oınaıdy. Búgin soǵan oraı Ulttyq tennıs ortalyǵynda quramalardyń qatysýymen baspasóz máslıhaty ótti, dep habarlaıdy QazAqparat.

Elimizdiń atynan bes sportshy kortqa shyǵady. Atap aıtqanda, Reseıden aýysyp kelgen ıÝrıı Şýkın, Andreı Golýbev, Mıhaıl Kýkýshkın syndy tájirıbeli tennısshilermen qosa, shymkenttik Danıl Braýn jáne komanda kapıtany Egor Shaldýnov bar.

Qarsylas komanda ishinde Yong Kyu Lim, Kyu Tae Im, Jae Min Seol, Hyun Joon Kim tennısshileri, sondaı-aq kapıtan Nam Hoon Kim sheberlik synasady.

Jýrnalısterdiń qatysýymen ótken máslıhat barysynda jerebe tartyldy. Aldaǵy oıyndarda kezdesetin juptar anyqtaldy. Erteń, ashylý saltannatynan keıin alǵashqy Andreı Golýbev pen Yong Kyu Lim juby shyǵady. Bul syndarda quramaǵa keshe ǵana kelgen reseılik Evgenıı Korolev Qazaqstan atynan kortqa shyǵýy múmkin. Aıta keteıik, álemdik reıtıngte 52-shi orynda turǵan Reseı quramasynyń ekinshi eshelondaǵy tennısshisi E. Korolevke Qazaqstannyń tennıs federatsııasy kommertsııalyq usynys tastaǵan bolatyn. Reseılik oıynshy bul usynysty qabyl alyp, keshe Qazaqstan tórine - Astanaǵa ushyp keldi.

«Qazaqstan quramasymen burynnan tanyspyn. Jarystarda jıi kezdesetindikten, dostyq qarym-qatynasta bolyp kelgenmin. Óte jaqsy jigitter, olarmen til tabysý maǵan qıynǵa soqpasy anyq», deıdi jýrnalısterge aǵynan jarylǵan E. Korolev.

Jarys naýryzdyń 7-sine deıin jalǵasady.