Astanada tennıs kúni atalyp ótti
ASTANA. QazAqparat - Jyl saıyn 3 naýryzda ITF Halyqaralyq tennıs federatsııasynyń bastamasymen Dúnıejúzilik tennıs kúni atap ótiledi.
Atalǵan sport túriniń elordalyq áýesqoılary - 6-8 jastaǵy balalar da bul merekeden tys qalǵan joq. «Dáýlet» SK balalarǵa arnalǵan is-shara barysynda kortta kóńildi start túrindegi 10 túrli jarys uıymdastyryldy. 150 astam jas tennısshi ózara kúsh synasty, al ata-analary jankúıerler retinde olarǵa qoldaý kórsetti, dep habarlaıdy qalalyq Týrızm, dene shynyqtyrý jáne sport basqarmasynan. Іs-sharaǵa qatysqandar men jeńimpazdarǵa estelik syılyqtar tabystaldy. Qazaqstandyq Tennıs federatsııasynyń atynan Dıas Dosqaraev balalardy quttyqtap, sóz sóıledi, al «Dáýlet» sport kesheniniń dırektory Qýandyq Eljanov is-sharanyń bastamashysy retinde balalarǵa jattyǵý kezinde de osyndaı jigerlilik kórsetýlerin tiledi. Aıta keteıik, «Dáýlet» sport kesheninde 724 bala tennıspen aınalysady. Bul týraly elorda ákimdiginiń resmı saıtynda habarlanǵan.
