Astanada temirjoldyń ústimen ótetin taǵy bir kópir salynady
ASTANA. QazAqparat - Astana qalasynyń ákimi Baqyt Sultanov e.gov.kz">e.gov.kz portalyndaǵy ınternet-konferentsııada qala turǵyndarynyń kókeıkesti suraqtaryna jaýap berdi, dep habarlaıdy QazAqparat qala ákimdiginiń saıtyna silteme jasap.
Konferentsııada turǵyndardan «Óndiris» turǵyn úı alaby baǵytynda temirjol ústine kópir salý jóninde saýal qoıyldy.
«QR Úkimetiniń qaýlysymen bekitilgen Astana qalasy damýynyń bas josparyna sáıkes, Ýgolnaıa, Á.Beısekov, R.Qoshqarbaev, Saraıshyq jáne Uly dala kósheleri boıyna shaǵyn aınalma jol salý bastaldy», - dep jaýap berdi qala ákimi.
«Sondaı-aq, atalǵan joba aıasynda eski temirjol vokzalynyń aýmaǵynda temirjol arqyly ótetin kópir salý qarastyrylǵan. Joba 2020 jylǵa josparlanyp otyr. Sonymen birge, jeke menshik ıeleriniń qurylys úshin jer telimderin bosatýy qajet bolady», - dedi ákim.
