Astanada temirjol relsterin urlaǵan kúdikti ustaldy - Kóliktegi ІІD
ASTANA. 11 qarasha. QazAqparat - Keshe Astana qalasynda «Barer», «Brakoner» jedel-aldyn alý sharasy barysynda «KamAZ» kóliginiń júk salǵyshynan eshqandaı qujattary joq relster men shpaldar tabyldy, dep habarlaıdy QR ІІM Kóliktegi ІІD baspasóz qyzmeti.
Úlken júk tıegen kólikti eń aldymen Astana stantsııasy jelilik ishki ister bóliminiń qyzmetkerleri Malahov kóshesiniń boıynda baıqaǵan bolatyn.
Kóliktegi ІІD-niń habarlaýynsha, júk kóligin basqaryp kele jatqan 56 jasar júrgizýshi, buryn sottalmaǵan, jergilikti JShS birinde jumys isteıtin, Aqmola oblysy Astrahan aýdanynyń turǵyny bolyp shyqty.
Kóliktiń júk salǵyshynda jatqan 6 rels pen 15 shpaldyń qaıdan kelgenin júrgizýshi aıtyp bere almady jáne olarǵa qatysty qujattary da bolmaı shyqty.
Qazirgi tańda kólik polıtseıleri «KamAZ» kóligindegi temirjoldy baǵyttaıtyn joǵarǵy qalyptastyrý bólikteriniń qaıdan alǵanyn jáne qaıda apara jatqanyn anyqtaýda.
Sodan keıin ǵana keltirilgen shyǵyn somasy esepteledi.
