Astanada temir jol vokzalyndaǵy jaǵdaı qalypqa keldi
ASTANA. QazAqparat - Astana temir jol vokzalyndaǵy jaǵdaı qalypqa keldi. Barlyq poıyzdar kestege sáıkes júrip jatyr, dep habarlady «QazAqparat» HAA tilshisi.
Jańa jyl merekesi qarsańynda t/j vokzalynda jolaýshylar keptelisiniń izi de qalǵan joq. Jolaýshylar bılet alyp, ózderiniń poıyzdaryn kútýde.
Eske salsaq, 27-28 jeltoqsanda Aqmola oblysynda 12 jolaýshylar poıyzy keshikti. Olar 27 jeltoqsanda Babataı stansasynda 12 júk vagonynyń relsten shyǵyp ketýine baılanysty turyp qaldy.
QTJ derekterine sáıkes, sol kúni keshke Astana vokzalynda adamdar sany 800-ge jetti. 28 jeltoqsan kúni tańerteń jolaýshylar óz baǵyttary boıynsha jolǵa shyqty. 250 jolaýshynyń bıleti keri qaıtaryldy.
